ابوذيــــــــــات و....... شعـــــــــــراء

عدد القراءات : 19350
حجم الخط: Decrease font Enlarge font
ابوذيــــــــــات و....... شعـــــــــــراء

سعود الخفاجي

 

انه اول احبك واخراني

سبب عطلني اجيلك واخراني

الكلب من ردت اشبكك وخراني

وركض هو يشبكك كبل ادية

 

جبار المياحي

 

شحسبلك الف بفراك يلفن

ترا انه ابظهري بس طعنات يلفن

شتخسر لو علي زندين يلفن

واشمك شمت ام واخفه علديه

 

احمد المياحي

 

من اشوف شهاب متعدي علسماي

منيتي يحن يرف كلبه علسماي

يكلي ارجع اذا سنك علسماي

شرطلي الماشرطه الله عليه

 

موسى الوائلي

 

موش ادموع للفركه اصب عين

وسهم عيوني مايخطي اصب عين

بيني وبين تابوتي اصبعين

وانته اختار حضنك لو منيه

 

ماجد التميمي

 

يجي ويكول خلي...مني عــــــودان

دسولف حالي عكبه...من اعـــــودان

يجي العصفور ياخذ..مني عــــودان

بنا جومة حطب وانفرد بــــــيه

 

وليد الشيباوي

 

رحيلك صوط والشامت .....يلدباه

دليلي وصيحت معسره....يلدباه

شتضن الجسد ظل شايل....يلدباه

وحقك بس عظم يصرج بخيه

 

وسام الحجي

 

ريض وداع لا تبنيش خرساه

بيه وصرت اشوف الدمع خرساه

لرحيلك كمت اون ونين خرسه

ابچرهه وحان وكت اطلوك بيه

محمد حسن العيداني

 

اليه حكوك عندك والي ديني

بكثر ماتعب جدمي واليديني

روح والك دينك واليديني

بعد ماكول اخو وترعه الخويه

 

علي الموسى الحشيش

 

منو مثلي انظلم ونكره ونحاب

ثلج ونحا سموم الصيف ونحاب

وعلي مذكر ضحكتك ذيج ونحاب

شرط تسمع صفير كبور بيه

 

سيد زاهر الصباغ

 

أير الحسرة من جدمي..لراساي..

غشيم وجرّبت رسهم..لراساي..

بلم حظّي لهو راچس..لراساي..

يهفچ ظل لوين أيريد بيه.....

 

أحمد سباهي

 

الفگدته موش بلسم بل هوه الراح

ولتگلي يردلك بل هوه الراح

بقيت ارسم اجروحي بالهوه الراح

عسا ايشم جرحي ويرد بين اديه

 

علي الشيخ ابو شمرية

بلع بالمصايب لجن بلعيش

وسم فركاك جن مخلوط بلعيش

شتظن رغبة اليه بعد بلعيش

الموت اهون ولافركاك اليه

 

صلاح الحرباوي

يحزني السال عالخد وضحك حيل

وعذاب الليل مهره وضحى كحيل

طحت والناس سكتت وضحك حيل

كبل من طاح شلته بذني اديه

 

علي كاطع البهادلي

حوم الضيم وبروحي يجلما

غلطه وردي لمجانج يجلما

اجيب منين موسى الله يجلما

اعله ضيمي ويلتفت ربك عليه

 

مثنى الغرباوي

ليالي السود حتى اسمي محنه

بسبب دهري علي أردف محنه

حبيبي أشبيك ماعدك محنه

ولك بس بالنفاهه تمر عليه

 

رحيم المالكي

 

الكلب مامات وانه الكلت ﻻمات

وعلي كبر المصيبة الناس ﻻمات

تدري علدرب ضليت ﻻمات

لحد ماعتكن هدومي العليه

 

علي رشم

 

غير الهم دليلي مانخيته

وضعني گبال شامت مانخيته

ما خليت خيير مانخيته

عله حملي ولا حصل فزاع اليه

 

ميثم الخطاط

 

شبج لم انشر لغيرك لم انصب

الك خزن دمع عيني لمن صب

حكومة وكون اتوصل لمنصب

حماية لبيتك انشرلي سريه

 

علي الحسناوي

 

ابـيا مـيزان اگـدرنـك وكيلك

ولك نـيـشان بگـليبي وكيلك

غـيـرك مـا هـويت الله وكيلك

ولاعيني اعله غيرك بجت هيه

 

سيد نور الجابري

 

الافت ما يفوت اليوم هافات

بعد؟،چني اسعفه ويلريح هافات

يطلع موگد ابراهيم هافت

امنقيسنه ابحرگتي اعليك بيه

 

كرم السراي

 

المصايب بعد ماخلت لناراي

بجفاك وكمت بعيوني لناراي

أجوني وجنت اظن فزعو لناراي

بمهفهَ وجروهَ اردووود بيه

 

سيد احمد الغالبي

 

شردت من هاي سالفتك وراميت

وعلي صوبت جيلاتك وراميت

دمعه انته وطحت مني ورا ميت

عزيز واغله من شخصك عليه

 

احمد الذهبي

 

عجيبه بشعر راسي عليك منشاب

يجانون الحمسلي جلاي منشاب

لفاني البين اخذله شاب منشاب

خضر زرعك يلاهي نحصد بيه

 

فيصل العويلي

چهبت الدار انوني دار عينه

ودرع باب الله حيهم دار عينه

چنت احلم رأني دار عينه

الكون اندر ست دورات بيه

 

رحيم الركابي

 

انة بخلكي فلا ظلت وساعة

اعلة حظي الما ثمر تعبة وساعة

اعارك بالوكت ساعة وساعة

اسلم للوكت وشكف بدية

 

محمد الغريب

 

ولفي الچان من يغفه بديوان

مشه ودلالي ون ثكله بديوان

اهيس براسي جن گعده بديوان

عل چتلت زلمه ويصيحون بيه

 

حسام سباهي

 

تولاني زماني طاب ماطاب

عله راسي وجرح الي بالكلب ماطاب

اخبرنك يصاحب بعد ماطاب

عيشي وصابر اعله الصار بـيـه

 

ابراهيم طلب

 

صفة الغيم بطلعته اجمع شكو حبال

وكتل العاجر بكلمة شكو حبال

تره المعدوم اخو يكره شكو حبال

تذكره ونته شتنقاس بيه

 

احمد معلة

 

اشوكت تفتحلي يامه اهواي دگيت

يامن بيه مدري اشلون دگيت

احلفت متخون بالقرآن دگيت

او خنتني او شور القرآن بيه

 

علي نجم

 

تظل روحي اعله شوكك ولهلاوين

اتعبنها ايام صــــــــــدك ولهلاوين

ضحــــــكتك وين راحت ولهلاوين

الفرح لوطــــــار جنت تجيبه اليه

لا توجد تعليقات

أضف تعليقك

من فضلك أدخل الكود الذي تراه في الصورة:

Captcha

كتاب الحقيقة

علي العبودي من الصعب جداً ان نجد اليوم من يتولى مسؤولية صغيرة كانت ام كبيرة ان يغادر المكان وقد ترك اثراً طيباً يذكر بعد مغادرته ليس ... تفاصيل أكثر
    علي علي عندما كنا صغارا، كان اللعب شغلنا الشاغل، وابتكار ماهو جديد منه ديدننا، مع أن المتوافر بين أيدينا من أدوات اللعب آنذاك، ليس ... تفاصيل أكثر
حسين الذكر في يوم قيظ ديمقراطي لاهب ، التقيت صديقي ابو سيف  ، عاش فقيرا محترما مسالما بعيدا عن الاستغلال السلطوي بكل اداوته المعروفة بالعراق حكومية ... تفاصيل أكثر
جواد العطار اذا كان رهان الحرب الطائفية قد انتهى بتوحد العراقيين في مواجهة ارهاب داعش ، فان رهانات تقسيم العراق ما زالت قائمة وخطيرة وهي تتأرجح ... تفاصيل أكثر
علي علي في بيت شعر قديم كان الشاعر فيه يدعو الى التجدد والتطور لاسيما في طباعنا، يقول فيه: البس جديدك إني لابس خَلِقي  لاجديد لمن لم يلبس الخَلِقا   ... تفاصيل أكثر
نهاد الحديثي يبدو أن محاصرة ومواجهة منابع دعم الإرهاب والإرهابيين بدأت تؤتي ثمارها في تهالك قوى تنظيم داعش في كثير من مواقعها وخاصة في مواقع الصراع ... تفاصيل أكثر
فرح الاعرجي   حين ابدأ رحلتي في الصباح للذهاب الى عملي، اتجه صوب الشارع واهم بالعبور الى الجهة الاخرى، حيث تتراصف التكسيات وبصوت واحد يردد اصحابها :تكسي ... تفاصيل أكثر
عدنان الفضلي   في البلد الذي شرّع الدستور الأول وسنّ القوانين منذ آلاف السنين (مسلة حمورابي)، وفي البلد الذي علّم الإنسان الحرف الأول (الكتابة السومرية)، واخترعت فيه ... تفاصيل أكثر
علي علي       تخبرنا كتب التاريخ ان الصينيين هم أول من توصل الى صناعة الورق من النباتات، فبعد ان كانت الكتابة على جلود الحيوانات وألواح الطين ... تفاصيل أكثر
غرام الربيعي بعد أن أعلن العراق رسميا تحقيق النصر على تنظيم داعش وتحرير مدينة الموصل ،وهو نصر ليس عسكرياً فقط دلً على شجاعة فائقة من أبناء ... تفاصيل أكثر
جمعة عليوي     سمعنا وقرأنا ان للهزيمة ابا واحدا وللنصر الكثير .وهنا نريد ان نتلاعب بالكلمات ونقلب المعادلة .ونؤكد ان عنوان مقالنا له معنى ومغزى كبيران ... تأريخ ... تفاصيل أكثر
عدنان الفضلي ... تفاصيل أكثر
سعد الحميداوي ... تفاصيل أكثر
علي علي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
عدنان الفضلي ... تفاصيل أكثر
طارق الحارس ... تفاصيل أكثر
علي علي ... تفاصيل أكثر
د. حسنين جابر الحلو ... تفاصيل أكثر