أبوذيـــات وردود أبـــو معيشـــي

عدد القراءات : 30168
حجم الخط: Decrease font Enlarge font

الحقيقة / خاص   -  الجزء الاول

جلس ذات يوم ابو معيشي تحت النخلة والتي يفضل الجلوس تحتها دائما في بستان الزاير دولي وقد حاول اسناد ظهره عليها لكنه ماكان يعلم ببعدها عنه مما ادى الى تدحرجه الى الخلف فاعتدل ضاحكا وهوينشد بيتا شعريا يشاطر فيه مثلا شعبيا يقول :

    (ايكولون يم عمران صلي صلت وفنكحها الهوى)

    اشمالك يازماني علي صاليت

    ابنار وحمسيت اجلاي صاليت

    مثل ماصلت أم عمران صاليت

    فنكحني الهوى وذبني بنويه

         فأجابه ابو معيشي

    انا منهم لفاني سقم والسال

    ولاتنشد عليهم بعد والسال

    تهمل عيني عليهم دوم والسال

    ابدمه ومنه شفت يوم المنيه

    ارسل له الشاعر الحاج خلف ساجت البيت الشعري التالي

    هدم ساس الأخوه مالبنه

    جفه وانكر ربانه مالبنه

    صدك تشهد يجمعه مالبنه

    ولاشفته ايتمرضع بين اديه

      بعد ماعود يطربني وياناي

    اودليلي بنار يحبابي وياناي

    ردت الغانمه منهم وياناي

    خبر ونشيل لارض الله السعيه

        ثم يرد الشاعر عطشان طلب الحيدري شاكيا نفاذ صبره للشاعر ابو معيشي

    صبر ماتم يبو معيشي وشمها

    على الخده ضوه الهندس وشمها

    لون بيدي اكض ليلى وشمها

    فلا جان اسعرت نيران بيــــــــه

        فاجابه ابو معيشي متسائلا

    ليله الي اطلعت يسلام مندار

    ولها منحر تشوف اسهيل مندار

    عطشان الثنايا اعتقد مندار

    ولها وجنه شبه شمس المضيه

        وجه خطابه الشعري للشاعر ابو معيشي

    دوه علتي ثغر ليلى وشفــــــــها

    ابره برشفة الوجنه وشفها

    حسن ياخوي حيها اكصد وشفها

    تحب امواصلي كبل المنيــــــه

        فاجابه ابو معيشي قائلا

    يحك عطشان كلمن سهر ليله

    لها وجنه تشع باليل ليلــــــه

    حسن يومن شفت بالدار ليله

    اهي بالحور لو بارض الوطيه

        احد الأساليب في كتابة شعر الابوذية هو المساجلات اي ياتي شاعر باول بيت شعري فيعقبه شاعر اخر بالمجارات او الجواب في حالة وجود هناك تساؤل في البيت الاول وهكذا تتسع الدائرة لاكثر من شاعر والمساجلات كثيرة في هذا النوع من الشعر لكونه قصير ويستفز الشعراء والمساجلات كثيرة كما حصل بين الشاعر ابو معيشي والشعراء الاخرين من مدينة سوق الشيوخ و مدينة الشطرة والتي يرتبط شعراؤها بعلاقات طيبة مع شعراء مدينة سوق الشيوخ حيث تعقد الجلسات فيما بينهم بين الفترة والاخرى ومن هذه المساجلات

    ارسل الشاعر عبيد السعيد البيت التالي للشاعر ابو معيشي يشكو من تقدم العمر (الكبر)

    تسعر لاهبه ناري ولدواي

    اسجل لاقلم عندي ولدواي

    الكريم ايكول كل داي لهدواي

    دوه داي الكبر ضايع عليه

   

        عند اللازمه بحساب عدنه

    وسرور ايصير للطيبين عدنه

    الكبر ماله دوه يعبيد عدنه

    ابد ماشوف اله غير المنيه

      ارسل الشاعر ابو معيشي هذا البيت الشعري للشاعر هلال الحسن

    زماني ابنار من هبهب ويانه

    ولاواحد وصل حينا ويانه

    ردت يهلال كون اتون ويانه

    انا وسعود من ننصب عزيه

        سجني لاعلى مطلب وداعي

    بليل ولا سنه لحالي وداعي

    يحكلي لسرف ارداني وداعي

    بحكي وخل تلوم الناس بيه

    للشاعر ريسان النايف البيت الشعري التالي

    يدنيه آنه عرفت اشبيج مابيج

    طالج بالثلاثه ابد مابيج

    سيف آنه ابغمد مطروح مابيج

    اذا صار اللزوم انتخو بيه

        فرد عليه ابو معيشي

    طلكها علي كبلك وملــــــــــها

    وكنز ماراد من عدها وملها

    شكثر زلفات اجن منها وملها

    وخلت نار بخيمهم سريــــه

        زماني داف الي حنضل وصابار

    وطكني ابسهم بالهامه وصابار

    من صرت اعتصم بالله وصابار

    المصايب ضيعن صبري عليه

    ين اليعتني الداري من الهام

    ويشوف اسحن صبر دايم من الهام

    دقيقه ماخله كلبي من الهام

    ربع ساعه فرح مامر عليـــــــــه

        وحك البرواسي اهلك وطعنه

    زماني ابسهم لضلوعي وطعنه

    نصبر لأمر معبودك وطعنه

    اليزوغ ايفر من ارض الله السعيه

        منهو الوصل يم داري ولي سال

    اخبريته ودم دمع عيني ولي سال

    انه الي انهبو عنبي ولـــي سال

    وناطوري انهزم مامر عليــــه

        ارسل له الشاعر هاشم فليح الشطري يقول

    لمن ياعين ليليتي وسلتـــــــي

    وراح الجان الي منوه وسلتي

    غزوني وفرهدوا عنبي وسلتي

    وذبوا جتلة الناطور بيـــــــــه

        اجابه ابو معيشي

    ذلولك تاه بالبيده وعنــــــــباك

    انبكت وعيون عذالك وعنباك

    انجان انته خذوا سلتك وعنباك

    انه المطلوب للناطور ديه

        الدنيه الماعرفت امها وباهــــــــا

    علي كل يوم نازلي وباها

    المصايب خوش اكو حاله وباها

    اعرفن صاحبي لوعدو ليه

        اصبحت لاسوكن ابزملي ولحدي

    امحير جني البومه ولحدي

    يعل متوسط ابكبري ولحـــــــدي

    اشوه ولايمر شامت عليه

    لاتنشد على كيفي وحالــــي

    وصل للشيب ياصاحب وحالي

    احباب الجانوا ابزولي وحالي

    غدوا وامسه الوكت وحشه عليه

        فرد ابو معيشي قائلا

    وحك الصوم والسبعه وساده

    دفك دمعي وحشر عندي وساده

    اغطاي اجبال والمرمر وساده

    السدر دوشك يحجي اسعود اليه

        قال الشاعر الحاج سعود السراج

    ماتدري اشجره عليه وسادي

    فراشي الحزن وهمومي وسادي

    بكيت الحم حبل وصلك وسادي

    تمت وتكطع ابتوته البديــــه

        دليلي يصبح ويمســـــــي بلاراح

    صرت مثل الطحن مرمر بلاراح

    اصبحت وي الثلاثه امسوا بلا راح

    صرت لاللسمه ولا للوطيــــــــه

        يدنيه اظلوع كسريلي وراضاي

    اون لاغنم رايحلي وراضاي

    ابيزّه ماقبلت انه وراضـــــــاي

    لمن حطوا خروف انوب اليه

        فاجابه الشاعر الملا صالح الحثيل

    متى الباري يجمعه ايعود خلاي

    ابوسط كلبي تره فركاه خلاي

    اشمصد المجتمع خلاه خلاي

    مجانه او وحشته تصعب عليه

        ايكول ابو معيشي

    يصالح طاب نوم الليل لاياه

    او تو كلبي سكن يحباب لاياه

    وحك البيه اسم يعكوب لاياه

    مجلسنه زهه من اكبل عليه

لا توجد تعليقات

أضف تعليقك

من فضلك أدخل الكود الذي تراه في الصورة:

Captcha

كتاب الحقيقة

علي علي     دأب برلماننا منذ ولادته -كما هو معلوم- متلكئا في سن القوانين وإقرارها تحت سقف زمني معقول او نصف معقول، إذ يدخل مشروع ... تفاصيل أكثر
 مازلت اذكر اللحظات الاولى لوصول الراحل الدكتور احمد الجلبي الى مدينة الناصرية بعد سقوط النظام السابق مباشرة، ولقاءنا به للحظات تحدث خلالها عن ان عهداً ... تفاصيل أكثر
علي علي     في بلد يعوم على بحور من الخيرات، تدور الدوائر عليه، فيأتي أناس خرجوا من رحمه، ليتسابقوا على سلبه جهارا نهارا، فكأنهم يقطّعون ... تفاصيل أكثر
علي علي ... تفاصيل أكثر
عبدالرضا الساعدي ... تفاصيل أكثر
غرام الربيعي ... تفاصيل أكثر
                                                                                  كاظم غيلان    الحياتي، متن رافق تجربة الحلفي الشعرية، ضاج بالمرارات والرثاء وتمزقات تدمي القلب حتى يتخيل لمن قرأها بأنه أمام شاعر- طفل- يقف على ضفة التأمل ... تفاصيل أكثر
علي علي ... تفاصيل أكثر
علي علي ... تفاصيل أكثر
عدنان القضلي ... تفاصيل أكثر
علي علي ... تفاصيل أكثر
علي العبودي ... تفاصيل أكثر
علي علي ... تفاصيل أكثر
حسن العاني ... تفاصيل أكثر
رواء الدفاعي ... تفاصيل أكثر
علي علي   من يتطلع لما يجرى في الساحة العراقية طيلة العقد ونصف العقد التي مضت من عمر العراقيين، يتحير بما يمر به البلد من تضاربات ... تفاصيل أكثر
طارق الحارس       هي ليست محاولة اغتيال عادية، بل هي محاولة لاغتيال الرياضة العراقية. نتحدث هنا عن المحاولة الاجرامية التي كان هدفها اغتيال الكابتن رعد ... تفاصيل أكثر
انتخاب عدنان القيسي  الجارية: هي كل امرأة سلبت أو نهبت في الحروب أو من قبل قطاع الطرق أو من ولدت لأمة وعبد مملوك تكون مملوكة لسيدها ... تفاصيل أكثر
علي علي    معلوم أن اللغة العربية تتكون من ثمانية وعشرين حرفا، وبعض اللغويين يحتسبون الهمزة حرفا، وبذا يكون العدد الكلي للأحرف التي يستخدمها كتاب العربية ... تفاصيل أكثر
نهاد الحـديثي الحب والكره والحقد والامتنان ، هل تعتمد هذه المشاعر على تفاعل الشخص الصادق مع الآخرين، مضافاً إليها مدى فائدته لهم كمعزز لزرع المحبة في ... تفاصيل أكثر