يحسدوني عليك

الشاعر صباح الهلالي

يحسدوني عليك المادروا بيه

جرف حاضن لجاري واماحضه بميه

يرد جغ ايدي خالي وضلعي كصه الروج

والناعور يغرف بيك ليليه

احرس للصبح عن لا تبوكك عين

وتفك الباب بيدك للحرامية

مو كلمن حلو من تعاشره يوافيك

يمكن مو حلو وما مقتنع بيه

مرات العسل للناس سم يصير

والحنظل دوه والنار حنية

شوف انته بجمالك ياهو ليجاريك

وشوف شلون كلبك كلب زهدية

ضعيف آنه اعترف وضلوعي محسوبات

بس واضح وياك وصافية النية

صحيح آنه اهلي فقره وثوبي شكه العوز

بس وداعتك جن املك الدنيه

اختاريتك اهل من دون كل الناس

وك ياهو الكدر يختار اهاليه

لو كلمن عشك ناعم اتهنه وياه

عفتك من زمان ورافكت حية

جذع ميت وانطرك روح وين تروح

الشمس لازم تجيبك تكعد ابفيه.