لـحـد الآن
ياسر فلـيح
لـحـد الآن
ماين عالوفه وصبري ولا خنتك ولا مرة
يراودني الهوه واتنفسه من باب اجر حسرة
لحد الان ماليني الصبر للعين..ويبدي
وصله امبلله بلياك لو ضغطو عليه بسالفه نسيان واضح اعتقد ردي
ولو مو هذا موضوعي
خابرتك اريد اعرف نهايه قصه ادموعي
بعدلي من صفنتي شكد؟
يابوسة ضوه بعيوني واهس خد
موعدنا شوكت؟؟ لتكلي ماضل شي قشمرني برقم ينعد
يابوسه ضوه بعيوني واهس خد
اعاني بس ولا واحد كدر يعرف معاناتي
الشجن لبصوتي اضيعه بصوت ضحكاتي
وبفارغ صبر ما اكعد بدربك
انه مجربك
من تشتاكلي تحضني حد الما اميز هاي دكه كلبي لو كلبك
لذالك قررت اصبر
ترجعلي واعرفنك طعم غيري بلهاتك مر
انام وراسي بارد راح نتلاكه
بسك تكبر بعيني
يبن عشرين عشكك عشك سبعيني
شجره بيت جدي وطبعك ارفاكه
انت اني
واحدنا لون يبعد نضل اثنينا انتاني
مد ايدك وغمض وانتظر بحساس يمك راح تلكاني
اضطريت اعيشك جوه صفناتي
الواقع مايلبيلي احتياجاتي
خلينا على هالحال
نام وباجر يحلها الف حلال
لا توجد تعليقات
أضف تعليقك
كتاب الحقيقة
