الدين يفتح لله باب

عدد القراءات : 96
حجم الخط: Decrease font Enlarge font

       أدهم عادل

 

الدين ما يفتح مدينه بحجة

الاسلام ويفجر الشباب!

الدين ميحط الله حجه وسبب

حتى بأسمه اخلي لكل 

فعل شرع وجواب!!

الدين ما يقتل معارض!

لا يطم بنيه ما تلبس حجاب!

الدين يؤمن بالرأي وبالانقلاب!

والله ميغثه حوار..

والله للتفكير مو بس للثواب!

وآني علموني النصوص..

احكام ما تقبل حوار..

آني علموني الفتح عصر ازدهار..

آني علموني

سبي النسوان والجزية انتصار!،.

واليحدد خلقي ويه الناس ديني!

المثلي اخوي!!

الضدي كافر ملحد وتاليته نار!..

ومدري ليش من البدايه؟!

ما فهمنه الدين غايه!!

الدين للمظلوم غايه..

الدين للمخنوگ غايه..

الدين للمحروم غايه..

الدين والاسلام مو معناها رايه..

درّسوني الدين تاريخ ومعارك..

واحفظ اعداد الضحايا!.

واكتب آيه واشرح آيه..

واحفظ آيه وفسّر آيه..

وابد ما فهموني مره..

الدين ضحكات ونوايا.. 

علّموني الدرب واحد..

والطريق لله واحد..

كمت اكره كل معارض..

كمت اكره كل دوائر الاختلاف..

وصرت اؤمن بالحدود وبالزوايا..

قنّعوني الفتح ما يعني احتلال!.

أحنه نفتح ديره لأجل الازدهار!.

لأجل نشر الدين والحق والهِدايه!

ومو مهم نغتصب گاع..

ولا مهم الاطفال تآكلها الشظايا..

مو مهم الديره لو تنزف ضحايا..

مو مهم الوالي يرجع..

تسحل بظهره السبايا!!

مو مهم..

الفكر يعرى..

ونرجع نطم النثايا!!

بس مهم..

اللحيه تكبر..

والبنيه بعمر عشر سنين..

ندفنها بعبايه!!

 

لا توجد تعليقات

أضف تعليقك

من فضلك أدخل الكود الذي تراه في الصورة:

Captcha

كتاب الحقيقة

هادي جلو مرعي ... تفاصيل أكثر
سهى الطائي ... تفاصيل أكثر
صالح هيجل الدفاعي ... تفاصيل أكثر
عدنان الفضلي ... تفاصيل أكثر
ريسان الخزعلي ... تفاصيل أكثر
علي علي ... تفاصيل أكثر
هادي جلو مرعي ... تفاصيل أكثر
احسان جواد كاظم ... تفاصيل أكثر
جواد علي كسار ... تفاصيل أكثر
صادق كاظم ... تفاصيل أكثر
هادي جلو مرعي ... تفاصيل أكثر
عدنان الفضلي ... تفاصيل أكثر
ريسان الخزعلي ... تفاصيل أكثر
د. كريم شغيدل ... تفاصيل أكثر
هادي جلو مرعي ... تفاصيل أكثر
علي قاسم الكعبي ... تفاصيل أكثر
عدنان الفضلي ... تفاصيل أكثر
ريسان الخزعلي ... تفاصيل أكثر
غياث الكاتب ... تفاصيل أكثر
هادي جلو مرعي ... تفاصيل أكثر