ياوطن

عدد القراءات : 250
حجم الخط: Decrease font Enlarge font
ياوطن

احمد ماضي القلعاوي

يا وطن .. يالما كو مثلك ..

موج شاطيك ضفيرة .. الطفلة فرحانة بنتيجة مدرسة

يا وطن .. يالشيلت اذراعك قصيدة ..

اختزلت الإبداع كله وغردت بأحلى الجمل

ترابك بجف الجياع ايصير خبزة

وماي نهرينك رسايل للعشكَـ

مااصدكَـ تنكسف بيك الشمس

ويومك اتخلصه بحزن شوغات أمس

أنت بالحب يا وطن ريشة حمامة

ولا كَلب منه ينز

أنت اسمك شالته الوادم حرز

يا وطن .. مشتاكَـ ابوسك ..

بس اخافن تعثر اشفافي بلغم

عركَت ارسوم الخريطة .. بكثر ما شافت ظلم

ورغم ما كل سجت ادروبك كَزاز .. انا اشوفنها ورد

انت مصحف للبطولة ..

وآيتك للموت عبوة بكل عجد

يا لسان العلم الدنيا حجيها

ونقذ كل الآدمية من الجهل

أنت ما تحتاج أرفعلك علم ..

أنت اسمك من أرفعه تنحني كَباله دول

حتى تغريدة عصافيرك غريبة

تعزف ألحان وغزل

مرت سنين وترس عيني عتاب

وأنت شباجك بعيد

انا أريد أقره قصيدة بيها أول بيت عيد

ما أريد أقره قصيدة عالمقابر للعبيد

يا وطن مشتاكَـ ابوسك .. راح ابوسك

حلوة لأجل البوسة أتفجر شهيد

لا توجد تعليقات

أضف تعليقك

من فضلك أدخل الكود الذي تراه في الصورة:

Captcha

كتاب الحقيقة

علي علي ... تفاصيل أكثر
محمد شريف أبو ميسم ... تفاصيل أكثر
انتصار الميالي ... تفاصيل أكثر
عدنان الفضلي منذ أكثر من عشرة أعوام والحركات الإحتجاجية في العراق قائمة، وبرغم التفاوت في عدد المحتجين بين تظاهرة وأخرى، الا أن تلك الإحتجاجات حققت بعض ... تفاصيل أكثر
عدنان الفضلي ... تفاصيل أكثر
احمد كاظم ... تفاصيل أكثر
زكية حادوش ... تفاصيل أكثر
علي علي ... تفاصيل أكثر
ريسان الخزعلي ... تفاصيل أكثر
صغيري الجميل:    ها هي ذكرى رحيلك قد تصدرت صباحتنا، وهاهم جميعاً.. أهلك وصحبك ومعهم الأمكنة يفتقدون حضورك وسط هذا الضجيج المسمى فراق، لكني أعلم انك ... تفاصيل أكثر
عدنان الفضلي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
اياد السماوي ... تفاصيل أكثر
عبدالله الجزائري ... تفاصيل أكثر
عدنان الفضلي ... تفاصيل أكثر
عدنان الفضلي ... تفاصيل أكثر
ريسان الخزعلي ... تفاصيل أكثر
علي علي ... تفاصيل أكثر
واثق الجابري ... تفاصيل أكثر