اشثكل همي

عدد القراءات : 35
حجم الخط: Decrease font Enlarge font
اشثكل همي

الشاعر محمد فاضل العبودي

وغلاة اسمج يسليني الحنين الشوفت عيونج !

اشوسع دنياي ؟! متلمني 

اذا مر ليلي من دونج

وانه اشبيه ؟!

كدت روحي الدرب معروف تاليه ؟!

وانه اشبيه ؟!

النهر ضيك خفت منه وخفت ميه ؟!

مارديتلج جنت ابجدم سكران

وما غلطان اكلهم صوج مابيه ؟!

وانه ادري الذنب بيه

شميني الحرك واصل السابع روح

دليني انه وكلبي ودمع مفظوح !

بعد بيه السنين ازغار

ما اندل كبر مفتوح

وهاي الكاع متلمني 

والجلمات متلمني

والصحبان متلمني

حجيت اوياهه تسمعني

لادمعه التهز شباج حاميهه

ولا جنازهه يزفني

ثكل جسمي عله التربان

واسمع كل صفير الكاع

ونسمات البرد جويات تلسعني

ادك باب المكابر ليل يتبع ليل

صوت اجدامي يشتم بالمسافات

وخفت لا عدل يسئلني

وانه امشي وحجي والحيطان يدفعني

والذرعان تتناهش عليه كل صوب

ماهزتمي بس خايف جنت مني

وغفيت ابسد كبر تعبان

ومر طيفك يفززني !

وحته اهنا ؟!

حته اهنا ترافكني ؟!

شبعد من كبر وبليل ؟!

عليمن جاي تسئلني ؟!

انه الكاتلني مو هجرك

انه الكاتلني ليش تدور اخباري ؟!

وليش تروح يم ناسي

لامن يمهم اسراري

انه الجانت حياتي ابشفتك احجايه ؟!

وانه الجانت ضحكتي ابشفتك احجايه

وانه الخايف جنت منك

توديني الدرب خلصان بحجابه !

لا توجد تعليقات

أضف تعليقك

من فضلك أدخل الكود الذي تراه في الصورة:

Captcha

كتاب الحقيقة

عدنان الفضلي ... تفاصيل أكثر
ريسان الخزعلي ... تفاصيل أكثر
قاسم حسون الدراجي ... تفاصيل أكثر
علي علي ... تفاصيل أكثر
د. موسى الحسيني ... تفاصيل أكثر
د. سارة كنج ... تفاصيل أكثر
علي علي ... تفاصيل أكثر
انتصار الميالي ... تفاصيل أكثر
  جماعة لديهم شخص عزيز توفي تواً ويريدون ان يشيعوه، ومن تقاليد التشييع ان يطلقوا الرصاص عشوائياً وبكميات كبيرة جداً، وان سقطت رصاصات طائشة في ... تفاصيل أكثر
علي علي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
عدنان ابو زيد ... تفاصيل أكثر
ابراهيم الخياط ... تفاصيل أكثر
عدنان الفضلي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
محمد الفيصل ... تفاصيل أكثر