سالفة وطن.. للحزب والوطن والناس

عدد القراءات : 88
حجم الخط: Decrease font Enlarge font
سالفة وطن.. للحزب والوطن والناس

ناظم السماوي

يا طبيبي اصواب دلالي كلف..

لا تلچمه ابحطة السماعة...

آنه گلبي اويه الوطن ما يختلف!!.

بالدقايق والثواني او ساعة..

- - - -

يا طبيبي خيمتك خيمة شفاء..

تبقه جوال الشعبهه بالوفاء..

يا طبيبي الحزب علمنه الولاء..

للشعب والحزب هاي اطباعه

- - - -

يا طبيبي   احنه علمنه فهد..

للحزب  والناس  وفاية عهد..

الخيمة لو طاحت تطيح امن العمد

واحنه خيمتنه الشعب وذراعه..

- - - -

يا طبيبي للشعب احنه خدم..

الناس گالتهه صدگ نكتب نعم!!.

احنه چاكوچ لحزبنه واحنه منجل للعلم..

والسفينة الحزب واحنه اشراعه..

- - - -

يا حزبنه يا فكر يا هندسة..

يا صُباح العافية وأحله مسه..

يا حزبنه ايعيش فهد الأسسه..

انذوب بسمه كلنه إله فزاعة..

- - - -

يا طبيبي يا شيوعي يا نظيف!!

ليش گلي هالحزب باقي عفيف؟.

او ليش چفه للشعب وردة او رغيف؟.

وليش كل اشطوطه حُب رضّاعة..؟

- - - -

يا طبيبي  گوم داوي أهل الفساد

ذوله  اكبر مرض نازل عالعباد

يا طبيبي بهالوطن يكفي الحياد

يا طبيبي إمنين هل طرگاعه

- - - -

يا طبيبي ابيوتنه خيمة إلك

انته من عدنه طبيبي، احنه هلك

يا طبيبي كل حچي الدوله كلك

والشعب سووه فقط شماعة!!.

- - - -

يا طبيبي المرض بس عدنه يزيد..

والعلاج الموضعي لا ما يفيد

يا طبيبي اوداعتك كله يزيد..

امنين ما تلتفت تلگه اتباعه..

- - - -

يا طبيبي الطفل عاف المدرسة..

وخبزته بالهم طبيبي إمغمسة..

ايشوف ابن مسؤول جوگه تحرسه..

القاط فلة القندره لماعه..

- - - -

يا طبيبي اصوابنه كلش صعب..

احتيال وبوگ والباقي نهب!!.

يا شعب گلي اشوكت ليمته تهب؟.

والشعب چا وين گلي اسباعه؟.

- - - -

يا طبيبي اوداعتك كلشي إنكشف!!.

والحرامي الباگ حته اسمه انعرف..

ترس بيته اشكال أنواع التحف..

والشعب حصته الفگر بانواعه!!.

- - - -

يا طبيبي يا شيوعي يا أصيل..

من تزور ابيوتنه اتشافي العليل..

انته بخلاق الحزب طبعك دليل!!.

ومن تودعنه اشحلاته اوداعه.

- - - -

يا طبيبي المرض عدنه ما يطيب..

لو تخلي اگبال كل واحد طبيب.

المرض من ناس تاخذ ما تجيب!!.

والشعب خلوه مثل خراعه..

- - - -

يا طبيبي الناس عرفوهه غلط..

الدين بالفرهود والسبحه انخلط..

يا طبيبي النفط بالجيب إنشفط

او بقوا اهموم الشعب تجواعه!!.

- - - -

يا طبيبي الناس كلهه هاجرت

ومن مواعيد الدوّيله أيست

يا وزارة گلي خدمه قدمت؟.

بس عناوين وخطط خداعه..

- - - -

يا طبيبي الشعب بس رايد ستر

ايريد يسكن بيت حته لو شبر.

يا طبيبي الوضع عدنه يستقر؟.

لو بعد انگس تصير اوضاعه؟.

- - - -

يا طبيبي الناس كلهه امدوهنه.

نص تجدي او نص طبيبي إمسودنه

يا طبيبي .. النخل حزنان إنحنه!!.

او يمكن إيعوف الوطن وي گاعه

- - - -

يا طبيبي هالشعب بلشه بلش..

المات گلي ايصير يمشي اويّه النعش

إقبض احسابك يشعبي من دبش

هاذه باگ الجدر والفرگاعه!!.

- - - -

يا طبيبي الوطن يمشي ليوره.

هاي قصه يا طبيبي امدستره.

احنه بالمگلوب هم نلزم سره؟.

لو نخلص الوطن من إضباعه.

- - - -

يا طبيبي يا شيوعي يا أنيق

انته لابناء الشعب أخ لو صديق!!.

إنته فراشه وّتشم.. ورد ورحيق!!.

ونرجس او جوري وعطر نعناعه!!.

- - - -

يا طبيبي هاذه حالي او قصتي

للقهر جيت احتفل وي خيمتي

يا طبيبي ارجوك تقبل وردتي!!.

اوياهه بوسه ابخدك اولا دلاعه!!.

- - -

يا شعب انتخب للحّبك صحيح!!.

هوه رايدلك وضع حتماً مريح...

اوضع علامة صح لبو حچي الصريح

هوّه أولهم بحقك داعه!!.

- - - -

يا طبيبي اصواب دلالي كلف

لا تلچمه ابحطة السماعه!!.

آنه گلبي اويه الشعب ما يختلف!!.

بالدقائق والثواني او ساعه

لا توجد تعليقات

أضف تعليقك

من فضلك أدخل الكود الذي تراه في الصورة:

Captcha

كتاب الحقيقة

علي علي ... تفاصيل أكثر
أياد السماوي ... تفاصيل أكثر
هادي جلو مرعي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
جواد أبو رغيف ... تفاصيل أكثر
عدنان الفضلي ... تفاصيل أكثر
ريسان الخزعلي ... تفاصيل أكثر
قاسم حسون الدراجي ... تفاصيل أكثر
علي علي ... تفاصيل أكثر
د. موسى الحسيني ... تفاصيل أكثر
د. سارة كنج ... تفاصيل أكثر
علي علي ... تفاصيل أكثر
انتصار الميالي ... تفاصيل أكثر
  جماعة لديهم شخص عزيز توفي تواً ويريدون ان يشيعوه، ومن تقاليد التشييع ان يطلقوا الرصاص عشوائياً وبكميات كبيرة جداً، وان سقطت رصاصات طائشة في ... تفاصيل أكثر
علي علي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر