غبشة لبنادم جديد

عدد القراءات : 142
حجم الخط: Decrease font Enlarge font
غبشة  لبنادم جديد

* كاظم غيلان

الساعة دكت

أدري دكت

خلني نايم.. دنيه ليل

وجية الغبشة بعيدة أهواي 

درب الغبشة موحش

وآنه أدري الليل يطوي ابليل

والطيف اشتهاني 

وكمرة زتت كمرة

والفارس لكاني

ابعتبة الحرية واكف

بيرغ أحمر شايل ابجفي 

ونشيد البارحة ابروحي حداني 

الساعة دكت

: لاتفززني 

بعدني أحلم تراني 

شفت عرس القاسم 

ونذر أمي 

والياس .. وصواني 

وأسمع أبروحي صهيل أخيول فرسان 

وجناجيل... وتراجي 

والمعاضد.. والمحابس 

والروازين العليهه أنذور خضره 

العمر سفرة 

العتبة حضره 

انرشت ابماي النذر 

آه.. النذر 

آه الجسر 

عابرلك..

وصوبينك اشتعلن اعيون 

ايجدحن 

ويضون على الوان الخراب 

عالمآذن.. عالكنائس 

عالتكايا 

وعالنثايه الطالعات أمن المدارس 

على تنورات 

بيهه الشذري يضوي 

وع الغياب..

آه.. ياصوب الغياب 

هاكثر فرهدني حزنك

هاكثر عذبني هجرك 

هاكثر... 

جم هاكثر 

ياهاكثر بعدك شباب

الساعة دكت 

: أدري دكت 

خلني حالم 

شفت حاكم.. بيده تفكه امزنجرة 

وشاجورهه أيصيح عليهه

وشفت ورده 

ومايهه أمغبش عليهه 

وشفت نثيه.. أشلون نثيه 

الدنيه طاحت بين أديهه 

وشفت.. لا.. ماشفت 

مثل الشفته 

ويه الحرب.. ويه السلب.. ويه النهب 

كبل الباب ذاك 

الرزه من زعلت عليه

سولف وغاب 

.. غاب 

لا توجد تعليقات

أضف تعليقك

من فضلك أدخل الكود الذي تراه في الصورة:

Captcha

كتاب الحقيقة

عدنان الفضلي ... تفاصيل أكثر
ريسان الخزعلي ... تفاصيل أكثر
علي علي ... تفاصيل أكثر
واثق الجابري ... تفاصيل أكثر
أحمد حسين ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
رحيم الخالدي ... تفاصيل أكثر
عباس الصباغ ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
طه رشيد ... تفاصيل أكثر
ريسان الخزعلي ... تفاصيل أكثر
غرام الربيعي ... تفاصيل أكثر
أياد السماوي ... تفاصيل أكثر
علي علي ... تفاصيل أكثر
أياد السماوي ... تفاصيل أكثر
هادي جلو مرعي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر