البارحة

عدد القراءات : 430
حجم الخط: Decrease font Enlarge font
البارحة

علي الشاعر

البارحة بحبك سعيد

البارحة اسعد بشر 

البارحة دنياي حلوة

منين ماعاين ومر

البارحة املك الدنيه

وهسه ابحث عن مفر

البارحة جنحان عندي

تهوى ترحال وسفر

بيدك اني انكسر جنحي

الله ياجرح الغـدر

لاتكول الدنيا رادت

لاولا شاء القدر.

البارحة تذكر الصار

وشكد حلو ليل السهر

البارحة الروح طيره

وهايمة بلا مستقر.

البارحة جنت اني كلبك

وجنت اكتبلك شعـر

وجنت غافي وي روحي

ومن الفرح دمعي انهمر

سلمت للباري امري

رغم احس ظهري انكسر

والاهم راح اشفي منك

وتبقى عايش في قهـر

الناس متحب الرخيص

وتتركه بارخص سعر

جنت انت شكد جبير

وهسه ماتسوه صفـر

عاندت الكال عنك

ويا نمت عالجمر

اصورت عندك ضمير

يحاسبك وكت الفجـر

من جنت مرتاح نايم

وعيني حاربها السهر

اندعيلك بالسعادة

وعمر ميمره القهر

اشكرك جازيت تعبي

وذاك حزني والصبـر

بعت ياما بعت لجلك

راهن كليبي وخسر

والمصيبة السكتة تكتل

الناس من تقره الشعــر

شنو عذري وشرد اكلهم

بيا لغة اني اعتذر

اصورت بس اني عندك

وبس الي كلبك مقر

تحجي وياي وتسولف

وعالغدر انت مصر

مالوم اني البديل

الناس ادور السعـر

ماكو منك بعد ارخص 

الباع نفسه بلا سعـر

المهم رقم بحياتج

ينضاف لارقام العمر

والمهم يعرف يغازل

والاهم يهوى السهر

مبارك وعالخير اكلك

ابد مارايد عذر

بس اكلك بالاخير

سمعتك هيه بخطر

 

لا توجد تعليقات

أضف تعليقك

من فضلك أدخل الكود الذي تراه في الصورة:

Captcha

كتاب الحقيقة

هادي جلو مرعي ... تفاصيل أكثر
سهى الطائي ... تفاصيل أكثر
صالح هيجل الدفاعي ... تفاصيل أكثر
عدنان الفضلي ... تفاصيل أكثر
ريسان الخزعلي ... تفاصيل أكثر
علي علي ... تفاصيل أكثر
هادي جلو مرعي ... تفاصيل أكثر
احسان جواد كاظم ... تفاصيل أكثر
جواد علي كسار ... تفاصيل أكثر
صادق كاظم ... تفاصيل أكثر
هادي جلو مرعي ... تفاصيل أكثر
عدنان الفضلي ... تفاصيل أكثر
ريسان الخزعلي ... تفاصيل أكثر
د. كريم شغيدل ... تفاصيل أكثر
هادي جلو مرعي ... تفاصيل أكثر
علي قاسم الكعبي ... تفاصيل أكثر
عدنان الفضلي ... تفاصيل أكثر
ريسان الخزعلي ... تفاصيل أكثر
غياث الكاتب ... تفاصيل أكثر
هادي جلو مرعي ... تفاصيل أكثر