صلاة الحب

عدد القراءات : 200
حجم الخط: Decrease font Enlarge font
صلاة الحب

مهند صاحب

إصبغ شيبتك

واعدل مشيتك زين

واترهدن عليهه الدنيا ماتسوى

يالمعلم الفراشة اطير

اشوفك منحني وتعبان موحلوة

الشحوب البيك هذا احساس

ليش اتطيح وانت البيت كله بساسه وبعلوه

دمك عالرصيف يخضر من تكوم

انزف لا يهمك جرحك الميطيب

انه باني عليك احلام يابو احلام

كلت لابد يرد الماحضر توه

شلك بالريح لوجنت

شلك بالطلقه لو ثارت

على اطفال المدينة المالكو دولاب

اعرفك ماتهزك نار

يبو كلب المطر سيابِِ

اكفر بالسياسة البيك

واعبد بيك اول باب

لونك موخريف الموسم شطوله

اريد انخاك كف جادر شعبنا المات

اريد بساحة التحرير اسمع النخلة هلهولة

انه ماني يتيم وجفي وسع الكاع

واكدر من اثر الخدود

اشيل الصفعة بيدي متاع

ماكلك صرت ثوري

بعدني بلاجنح بسماك

بس حبك يراودني يبو ضحكة التغيب بساع

اخ الصرخة ماتطلع

اريدك ياوطن الاحزان

تضرب بالكلب مدفع

اريدك تكسر الكسروك

واريدك للوطن ترجع

انه وياك بينه من الحضارة جروح

بينه من الحنين جروح

بينه من النقاء جروح

شلك بالناس التغاويك

انت اكبر من الماشين

تعال وياي هاي الناس

ماكلهه الجهل ماتحس شنهو يصير

تعال وكعد الغافين

ماتحتاج موكب يكطع الشارع

ماتحتاج جلسة بيهه ارذل ناس

بيك تسوم بيك تبيع

وانت بايدهم ياوطن عفوا ليش

جنك يافحل ضايع

انه بيك اقسمت مرتين

مره بطيحة المقبور

ومره اليوم كلت الوطن راح يثور

بسك ذل

بسك من يمر مجهول

جوه اقرب كبر تختل

مامليت موش الحسرة

صلفة هواي

وكفت بالكلب تصهل

بلاش نموت ليش وليش

انه ادري باهلنه اعله النجم غالين

ملوحتهم ترس للعيش

ارفع لافتة اعله الدين اذا حسيته ماماشاك

واكسر ايد كل سكران نام ومادفع بلواك

واريدك باجر احلى تصير

بداعة تربتك ارجع

تعال وثقف الوادم

علمهم صلاة الحب

اوجب من صلاة الموت

لا توجد تعليقات

أضف تعليقك

من فضلك أدخل الكود الذي تراه في الصورة:

Captcha

كتاب الحقيقة

عدنان الفضلي ... تفاصيل أكثر
عدنان الفضلي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
علي علي ... تفاصيل أكثر
علي علي ... تفاصيل أكثر
حسن الخفاجي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
علي علي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
علي علي ... تفاصيل أكثر
علي علي ... تفاصيل أكثر
علي علي ... تفاصيل أكثر
عدنان الفضلي ... تفاصيل أكثر