جاملتك

عدد القراءات : 3773
حجم الخط: Decrease font Enlarge font
جاملتك

* عبد الحسين الحلفي

جاملتك رغم ماترهم وياي

وماشيتك رغم ماعندي رجلين

المشاعر باردة واحسبهة نيران

وكلش زين اكولن وانته مو زين

جبتلك بيدي جم سجين يفلان

بركبتي تجربن سجين سجين

اذبحتني وفوكها ماراضي زعلان

لان بركبتي ماياكلن زين

انه اول سجين يحبله سجان

واول ركبة تلعب عالسجاجين

لتزغر سجن تخسر يسجان

لان تصبح قريب اعلى المساجين

اذا يترك جروفه النهر غلطان

يتبده النهر لو ماكو جرفين

اكو باقين بس عن كلبي راحوا

واكو راحوا بنص الكلب باقين

غلط كل ادمي تسمونه انسان

وجريمة كل علي تسمونه ابو حسين

وتدري الراس يمته تشوفه غركان

اذا يتعافه ويكطع الرجلين

الوجه يبقه وجه حتى بلا عين

واليعتني بعينه هواي غلطان

لان صار الصبح والليل فد لون

تباوع ما تباوع كلهه عميان

مايفتر وحقك ثابت الكون

واله الكان جا ماظل كما كان

الحمل يبجي وعلي تضحك المتون

اعتيادي الشايله ماهو انسان

صم عاكول انته وكلنه رمان

وحمار البيك من دم الفلاليح

احذرك لاتعتني حيل ياصاح

اخاف افلت من ايدك وانته الطيح.

لا توجد تعليقات

أضف تعليقك

من فضلك أدخل الكود الذي تراه في الصورة:

Captcha

كتاب الحقيقة

علي علي ... تفاصيل أكثر
علي علي ... تفاصيل أكثر
علي علي ... تفاصيل أكثر
علي علي ... تفاصيل أكثر
عدنان الفضلي ... تفاصيل أكثر
طارق الحارس ... تفاصيل أكثر
علي علي ... تفاصيل أكثر
علي علي ... تفاصيل أكثر
حــازم مــبــيــضــيــن ... تفاصيل أكثر
علي علي ... تفاصيل أكثر
حــمــزة مــصــطــفــى ... تفاصيل أكثر
عباس الصباغ ... تفاصيل أكثر
علي علي ... تفاصيل أكثر
طارق الحارس ... تفاصيل أكثر
علي علي ... تفاصيل أكثر
عبدالامير المجر ... تفاصيل أكثر
علي علي ... تفاصيل أكثر
عدنان الفضلي ... تفاصيل أكثر
طارق الحارس ... تفاصيل أكثر
علي علي ... تفاصيل أكثر