مسرح عثرات الضوه ..!

عدد القراءات : 601
حجم الخط: Decrease font Enlarge font
مسرح عثرات الضوه ..!

ريسان الخزعلي

 

 

*..الى / شاكر السماوي .

*..عثرت َبالضوء ، وكان الموت ضوءك..، 

كما ان الضوء من عثرات موتك...

اولاً : من ذكريات الصحو../

            عبرناهه.

عبرناهه الليالي ابشوفة اجروح . عبرناهه اعله طوفان النزاهة امورِدَة الروح

علامك..؟ وانت َ فايض بالعشكَ : يانُوح..، علامك ..؟مبعد او متوسط الروح

اوعلامك..؟ والحلم ذاك الحلم ،بالدم رفيفه اشراع..،علامَة..؟ اشما يجي ايروح..!

او علام الشوكَ ما فاض ابنياسينه..؟ كتبناله رسايل ما تحدهه اسطور :

من سومر / مسامير الرسم ، والحزن ما مشيوف..،-ليش احنه ابحلمنه الحزن .. بس

مسموح..؟!

...،

ياشاكر..

بجينه ادموع فضّة او مانزعنه الراس

ياشاكر..غلطنه ابنكَلة الجدمين ويّه الناس

ماينجاس..متسودن هوانه..، اولا حرز يحميه..لاعباس

نار ابنار..يتداور حزنهه الروح.. /بس تعرف اتّوج..ماحسّبت : ثاري الشمع

يصبح ذليل ابلا ثلج..هذا الجرح واحجايته..او هذا الغَنج../

تنكَط جفافينه دمع وانكَول ميلات الكحل. هذا الحلم وامرايته ، يتطشّر اتراب

العشكَ ،وانلملم الحبّات كل شدّة حرز، لمّن رصاص الدنيه من ناره يمل .

او لسّه تراه شوكَ الكَلب يلعب هجع..يتراكَص اولا بيّن ابكتره ثكَل :

كل الجرح بالروح..جذاب الجسم

كا الجذب بالروح..لو صاحي الجسم

/ مامش جرح..

ادريني ما بيّه جرح..،

جاليش ماخذني النزف يهل الجرح..؟../

مامش جرح..موكَلت ارد لو جان بالنيّه ترد..،ورده او نكت بيهه النده..،

هذا النده او مامش ورد..! شال الربيع ابموسمه، بالظلمه متنومس عُبر..،

هوّه ابشمس..ماذب خضاره اعله الوركَ..،وآنه جرف..،كل ماي متونّس

يمر بيّه حُفر نيشان إله ، او سوراته بضلوعي تدكَ .

والحنين..

الحنين اجنوبي طوره..او ما دريت / اشتعشكَ انت َ امن العشكَ..؟!../

هاي محنة الما يكفيهه السؤال..!

/ دكَ يكَلبي / لليكَولك تعال..لا تهدّي النبض دكَ .

وحشة الغايب جسر فوكَ الضلوع..او وحشة المبعد دلال .

لا تهدّي..

وانطر اشما ينسمع../ هلهوله، همسة..، حتّه لو جفيّة من ركَص الغجر..،

شهكَة الملكَه طعم فيّ برتقال .

لا تهدّي..لا تهدّي النبض..دكّ..دكَ .

/ دكَ يكَلبي..دكَلي بس آنه او يآنه البَس اسمعك..،

والضماير تسمع احسوس الضماير..دكَ يكَلبي..دكَ يحاير../

....،

يانبع..،

شفة المغني المغني اتذوب حمرتهه اعله مايك تنعصر

وآنه مجتول ابخيالك ، عطش يانهر العصر..!

 

ثانياً : امراية عطر../

(1)

ماخذني.

ماخذني الجمر.جمري آنه مو من نار

جمري الصحو والحلم..يتناوبن بالراس سكنن دار

شيطفي هذا الجمر..؟ وامنين امر ع النبع..؟ والماي،حتّه الماي صار احجار

حيره..

حيره او خيالك شمس..،

والحيره يا هو الضوه..؟!

وانتَ اللمض وابجف طفل يندار

/ طفل منجاس شمس الله..لكَه ابجفه الشمس طينه../

واصابيعه تخط اللوح والنقشه حفر مسمار../

سومر يالهيب اسرار.

......،

خلّه اشما عِله الطوفان..، هوّه ابسد حمامه ايلوذ،واغرابه بلا جنحان .

هذا الموت..،

معبر لليقين ايمازح الرغبات، وانتَ انعاس موتك والحلم كَصران .

سرّك ياعمر: مجنون

حتّه ابكيفنَه انغني حزن ، والركَص لطم اصدور

جا بيمن بعد يا حزن تتشايم..؟ ركَد ثوبك ،ولا ينراف،

لا ينغسل، لا يتخيّط او ينشر

واحنه العركَ فوكَ اخدودنه امراية عطر وانجدد القمصان ..!

(2)

كل خطوه جسر للموت

وانتَ الموت جسرك من تعبره اتموت

يا خلكَ اليعَدل الراس كَبل الصوت..،

مامش جرح بالدنيه..اهِي لعبة منايه اتفزز الغافين..، وانت ابنوم،

مو بالموت.

حدر الكَاع واتفصل اهدوم اشكال للعدلين.

عثرات الضوه ابلا شوف..، والحايطُ عُبر بسكوت .

لا تندم..

حتّه الشمس..من يلتم عليهه الغيم سودَه اتفوت

وابشمسك الغيم../ايطش ضوه للروح..يلمض بالحلم لآخر صحو رايه

او لو مرّه ضواك الموت..، لا تندم.  بيدك من كَبل للعافيه امرايه .

(3)

يل عابر صحو دنياك..حلمك بالضباب ايطوف

بس ع البحر ذَبْ خلكَه..او حزنهه الناس صفنة طوف...

 

لا توجد تعليقات

أضف تعليقك

من فضلك أدخل الكود الذي تراه في الصورة:

Captcha

كتاب الحقيقة

عدنان الفضلي ... تفاصيل أكثر
علي علي ... تفاصيل أكثر
عــلــي حــســن الفــواز ... تفاصيل أكثر
نــــوزاد حـــســــن ... تفاصيل أكثر
علي علي ... تفاصيل أكثر
محمد شريف أبو ميسم ... تفاصيل أكثر
ســعــد العــبــيــدي ... تفاصيل أكثر
علي علي ... تفاصيل أكثر
حسين فوزي ... تفاصيل أكثر
د . قيس العزاوي ... تفاصيل أكثر
عدنان الفضلي ... تفاصيل أكثر
طارق الحارس ... تفاصيل أكثر
علي علي ... تفاصيل أكثر
نزار حيدر ... تفاصيل أكثر
محمد شريف أبو ميسم ... تفاصيل أكثر
علي علي ... تفاصيل أكثر
علي حسن الفواز ... تفاصيل أكثر
حــمــزة مــصــطــفــى ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر