شعراء شباب جداً يا في النخل

عدد القراءات : 1152
حجم الخط: Decrease font Enlarge font
شعراء شباب جداً يا في النخل

الشاعر سيف زهراوي / بغداد

يا في النخل وين العصافير 

عثكك هذا لو جيب المساكين 

سعفي بخير هسه يمشط الريح 

وسعفك ظال يحلم بالبساتين

حط بذكرياتك ضحكة تحتاج 

مو حتى السجن هم بي روازين

واذا عمرك خلص بالحسرة والاه 

الكطف مطلوب لحلوك المساجين

وشغمجة النهر من كطرة متروس

وعلى اجتافه النوارس عاشت سنين

لتعود جرح باللجمة يرتاح 

خل من توصلك تعمى السجاجين

ولا تغلط بحجيك تنحسب هاي

التكوله الدلة يطبع بالفناجين

مرات التخافه تظل تثق بيه 

الكصب مو بير ضم سر الدواوين 

شكد عافت دمع بخدودي الايام 

بضحكة يروح ما يترك نياشين

مو حتى الصناديك الها شباج

شعجب بس كلبك انته اربع حياطين

ليش من امشي بيك اعثر بالهموم

وليمتى تظل سوده العناوين 

بحايط واهسك مرسوم تابوت

وعليه معلكات وجوه ميتين 

مدينة بروحك بلايه ضوه وناس

ظلمة ادروبها ووحشة الدكاكين

ما دام المطر زخ نكع الكاع 

حلم ابني كبل لا ييبس الطين

ولا توكف الضاع تركضه الظنون

وشما تعبت جدمه الدرابين

طلك الحزن فزة شمعة باليل 

وعيش وردك ابيت السنادين

لا توجد تعليقات

أضف تعليقك

من فضلك أدخل الكود الذي تراه في الصورة:

Captcha

كتاب الحقيقة

عدنان الفضلي ... تفاصيل أكثر
علي علي ... تفاصيل أكثر
غرام الربيعي ... تفاصيل أكثر
علي علي ... تفاصيل أكثر
د. حسين القاصد ... تفاصيل أكثر
نشوان محمد حسين ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
علي حسن الفواز ... تفاصيل أكثر
طارق الحارس ... تفاصيل أكثر
علي علي ... تفاصيل أكثر
حــمــزة مــصــطــفــى ... تفاصيل أكثر
محمد توفيق علاوي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
علي قاسم الكعبي ... تفاصيل أكثر
علي شايع ... تفاصيل أكثر
علي علي ... تفاصيل أكثر
عبد الحليم الرهيمي ... تفاصيل أكثر
علي حسن الفواز ... تفاصيل أكثر