مـــاتوكَف عليك

عدد القراءات : 1225
حجم الخط: Decrease font Enlarge font
مـــاتوكَف عليك

الشاعر رفعت الصافي

مـــاتوكَف عليك...الخذك مامعصوم

هم تاخذلك اويــّا جم سنة وتنعاف

بس وبخت كل شارع حضنتك بيه

لوتلبس جــبل بعيوني ماتنشـــاف

هيبة ومن اشيلن راسي ادنّي الغيم

انه امدايّن افيّاي الشجرة الصفصاف

امنغيّم بالسلف اترخص من الكـــوخ

لان من ينجرح اله بشمس ينــــراف..

انه الحلو كماطي انطوني تفكه وسيف

جدمي بمرقد المرجوحة ابد ما طاف

من اصد ليدي استحي من خشونة المسحا

ابن هور وابد متلوكلي الشفاف

انه مغبش نعي بشفايف ام عريس

مات كبالها وبي للمروة اوصاف

عشر وجوه بيك تحل فصل مكتول

واحد بس احس جنك هواي اطراف

مشيت وياك من جانت الريح سهام

لتلوم البلم لو جان نهرك جاف

البي حظ يقنع بكسرة خبز وبساط

وعفتني انت لان جانت جيوبي خفاف

الفقير بطرك كصته وهد عرش تجار

الستر قلعة شرف ما ينبني بجم ساف

عشت بأزمة ثقة ما عاشها المهدور

دمه ويضحك بنص ديرة مال اعراف

الخاين ما يحس بزيارة العباس

بس البي وفة من اسم الضريح يخاف

يبارد والشماته بكلبك يصيفون

انه اول حنه بعدك بالحلوك انداف

من اشوفنك جنت كتال ابوي انسى

واهلهل ملكه مالح جني مدري شزاف

عفتني وكمت احن لاصدقاء السوء

انه جنازة غريب وما حظت بجتاف

قصر شيخ الرصيف يصير للمطرود

وبالكا الحار يخجل المضياف

كلبك هندس وتلتقي وي الجمار

مل من عندك الدكتور والعراف

نظيف بمشيتك من رحت ما اشك بيك

بس شفايفك يا ترى اظل انظاف

لا توجد تعليقات

أضف تعليقك

من فضلك أدخل الكود الذي تراه في الصورة:

Captcha

كتاب الحقيقة

عدنان الفضلي ... تفاصيل أكثر
علي علي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
زمن حنان الفتلاوي ... تفاصيل أكثر
داود سلمان الشويلي ... تفاصيل أكثر
علي علي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
علي علي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
علي علي ... تفاصيل أكثر
علي علي ... تفاصيل أكثر
علي علي ... تفاصيل أكثر
  لاشك أن الرتابة وتكرار الأحداث والأفعال وردودها، عملية تثير السخط والسأم والتذمر، لاسيما إن طال أمدها وامتد عمر تطبيقها الى مالا أمل بانقضائه، وقطعا ... تفاصيل أكثر
علي علي ... تفاصيل أكثر
علي محمود خضيّر ... تفاصيل أكثر
علي علي ... تفاصيل أكثر
إياد مهدي عباس ... تفاصيل أكثر