الموروث في الشعر الشعبي.. قصيدة الخرانيب لعبد الواحد معلة

عدد القراءات : 1308
حجم الخط: Decrease font Enlarge font
الموروث في الشعر الشعبي.. قصيدة الخرانيب لعبد الواحد معلة

حسين الهلالي عبد الواحد معلة، من الشعراءالقلائل الذي يعتني بلفظة المفردة الشعرية، فهي مدروسة عنده لاتهبط الى مستوى السذاجة، ولاتكون متدنية، وهي ليست غليظة بل هي رقيقة تجعل القارئ يستسيغها ويتعاطف معها ،زارني الراحل في التسعينيات وقضى ليلة عندي حتى الصباح برفقة الراحل عبد الواحد الهلالي، وسجلت له هذه القصيدة بصوته، لكن مع الأسف فقدت الشريط:

امن يدي وياذنب تجينه الايام اشيجني السكه العوسج والخرانيب

آنه ومو سواي ابهاي ينلام لان ما اثرّت بيّّّ التجاريب

***********

كل ما صار بيّ حيل وياي استاهل بعد .... اكثر.... واكثر

جي ماحسّبت لحساب دنياي واللي صابني لاتظن أثّر

آنه احركت روحي وشمعة اصباي اضوّي لعد غير خاف يعثر

حسبالي الفضل بالفضل ينسام وبالطيب ايتجازه اليعمل الطيب

اثاريني جليل الراي وهّام اريد امن العواهر تعرف العيب

***********

على نفسي جنيت وما توانيت ولا كعّيت روحي .. وحاسبتها

وهسه اتشوف بتله الظعن ظلّيت وعافتني الرفاكه ..الما عفتها

عود الساعة حسّيت وتوعّيت عكب ما ذبت بعيني خفتها

بالخطة نكدته امرصرص ونام ألجه وصار منكد للواعيب

يمين الله لحط جويه اعله الابهام جويه التظل تدّي لآ خر الشيب

*********

ولو جويات كثره الغدت بالايد اشما يبرن الي منهن علامه

يهونن لاجن اليكلفني ويجيد والاكثر على نفسي الملامه

بسبب مديت ايدي وحطو القيد بيها الجنت اظن بيهم شهامة

والجنت اعتقد للقيد فصّام وعليه جنت آنه احنن حنة النيب

جتّفني و رماني ابّير الاعدام ولايلحك علي شيخ الجلاليب

**********

جان الواجب باول المهداد اشوفه اكحيل لو بس المحاجيل

وعود اعليه اراهن لو شفت جاد ابعزمه وصاريركض بأول الخيل

وكلت من عثر هاذي عثرة اجياد وخدعتني معارف تفش وشليل

اتمايز شكل وانظر الهندام لجن ياخيبة اللي المبراهنه* ايخيب

الكد بيه ما يوصل للجدام ابمجانه وغلبته حتى المغاليب

**********

غير ايكون وحده ..اثنين وتصير عبرة واعتبر عبرة الزماني

غير ايكون اكوم احسن التدبير وخلّي هاي ترجيه بذاني

غير ايكون عندي ايصي تفكير واعي واحذر امنتللي جواني

كل هذا وانه ساهي الفكر خام ابوهم حدار نوبه ونوبة تغريب

امن ايدي وياذنب تجنيه الايام اشيجني السجه العوسج والخرانيب

آنه ومو سواي ابهاي ينلام بسبب ما اثرت بيّ التجاريب

 

وهذه القصيدة التي يظهر فيها عبد الواحد المعله، كمجدد للقصيدة العمودية ويظهر قدرته على التلاعب بالقافية وجمالها

 

وربطها بوحدة القصيدة لتعطي سبكا ومعنا متماسكا ،وهي ردا على رسالة صديقه الحاج عبد العباس الرويشدي ارسلها اليه سنة1951وهي من وزن مجزوء التجليبة:

 

             اعيوني امساهرات الليل

 

عيوني مساهرات الليل

وعيون  الخلك  نومه

 

على ولفه اليريد اينوح

ليش الوادم  اتلومه

***********

 

اكتابك من وصلني اوبيه

تنشدني على حالي

 

لاني من الهوى  نشوان 

      ولاني امن الترف سالي

 

اكضي ليلتي    سهران

ونامت عين    عذّالي

 

ابات  ابليلة الملسوع

اغذايه بس ونين  وروع

 

متوسد جمر    ودموع

 

الخلك  هل الليل جل حارس 

    امخليني  على انجومه

 

*****************

 

اراعي النجم طول الليل

اراعيه بقلب  ولسان

 

ينجم الليل     متكلي

ليش لهالوكت سهران

 

جن آنه الهوى   فتني

ودعاني مسهر اولهان

 

هم انت الهوى صابك

واللي    نابني    نابك

 

وهم  ملّتك احبابك

 

وهم مثلي بسلامتهم

الكلبك   زادو اهمومه

 

*************

 

لاموني   او    ملوني

ورموا كلبي بسهم فتاك

 

جفوني كل اهل ودي

هلّي  ساهرت      وياك

 

ارعاك   او      تراعيني

وعيني شابحة    لعيناك

 

واحسب ضيّك اليسري

دمعت  عينك    التذري

 

مثل ادموعي التجري

 

حكك   لو جنت   تهوه

الهوى هذا   الذي ايسومه

 

     ***************

 

الهوى فتنة  بحكم شرعه

ودعانه بالونين انبات

 

نحلان   وغده بكواي

يهدم معول  الحسرات

 

لو حسبه غدت  عني

تخلفها  عشر حسبات

 

تجي حسبه  تسليني

تاخذني     اوتوديني

 

وتر حسبه  تخليني

 

مثل  ام الوحيد   الراح

عنها  وبكت     مالومه

 

****************

 

يصاحب حالتي هذي

اومن عدها اصيح الداد

 

العت من النجف بالهم

كلت اسله الهوى اببغداد

 

الذي من نوشته يخلص

النوشه      يعتني وينصاد

 

كلت مالي كلب   يهوه

جه لن بالهوى   اتجوّه

 

اثاري للحسن قوّة

 

قوّ!ه على البعد تجذب

مو باللمس   محكومة.

لا توجد تعليقات

أضف تعليقك

من فضلك أدخل الكود الذي تراه في الصورة:

Captcha

كتاب الحقيقة

عدنان الفضلي ... تفاصيل أكثر
علي علي ... تفاصيل أكثر
غرام الربيعي ... تفاصيل أكثر
علي علي ... تفاصيل أكثر
د. حسين القاصد ... تفاصيل أكثر
نشوان محمد حسين ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
علي حسن الفواز ... تفاصيل أكثر
طارق الحارس ... تفاصيل أكثر
علي علي ... تفاصيل أكثر
حــمــزة مــصــطــفــى ... تفاصيل أكثر
محمد توفيق علاوي ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
علي قاسم الكعبي ... تفاصيل أكثر
علي شايع ... تفاصيل أكثر
علي علي ... تفاصيل أكثر
عبد الحليم الرهيمي ... تفاصيل أكثر
علي حسن الفواز ... تفاصيل أكثر