يشارب واهسي

عدد القراءات : 633
حجم الخط: Decrease font Enlarge font

سيد غزوان الغالبي

يشارب واهسي بلذاتك السود

يالمغيم بعيني أحاه واحاه 

يالمطيك كصتي بشحة الماي

وانته تروح للمنطيك مكفاه 

انه صاحب وجه بالشدة ينزار 

ومتروس ابتسامة اليمشي وياه

ادنك مستحى للصاحب الزين 

مضيف ومايرد للناس ملكاه 

افزعلك واهد لوجنت تابوت 

الخشب مايعترض لوجفي ينخاه 

ثوبي وماكلتلك انزع الثوب 

بردت ماكلت كدامك اشاه 

يم الشجرة نكتب ذكره ونروح 

كلت مو عالغصن خل نكتب هناه 

والمفروض تنقش جذعك شفاي 

حتى تكول ناقش بيه ذكراه 

شريف وصورتك غطيتهه بروح 

بس تريد للغطاك بشفاه 

تره الحطاب زوده يصير بالفاس 

شيل الفاس يفرغ زود يمناه

الزين الماتعرفه يصير موزين 

من تعرف دغش يمك نواياه 

واذا جافيت قابل تيبس الروح 

مكبل للربيع اليخلص اشتاه 

العاشك من صدك ما يلبس الطيف 

عين يصير لو محبوبة يلكاه 

العده جناح ليش تحبه ينساك 

اذا يصفك جناحه الغصن ينساه

صح يعود بس يعود متعوب 

رد يرتاح موش مغزر وياه

الدنيا اتدور أثكل بالك تدور 

اليثكل ماتشوف الناس تنداه 

وميهم التفت خطواتك عيون

عله المايلتفت ينكال بكناه

 

لا توجد تعليقات

أضف تعليقك

من فضلك أدخل الكود الذي تراه في الصورة:

Captcha

كتاب الحقيقة

علي علي ... تفاصيل أكثر
محمد شريف أبو ميسم ... تفاصيل أكثر
ســعــد العــبــيــدي ... تفاصيل أكثر
علي علي ... تفاصيل أكثر
حسين فوزي ... تفاصيل أكثر
د . قيس العزاوي ... تفاصيل أكثر
عدنان الفضلي ... تفاصيل أكثر
طارق الحارس ... تفاصيل أكثر
علي علي ... تفاصيل أكثر
نزار حيدر ... تفاصيل أكثر
محمد شريف أبو ميسم ... تفاصيل أكثر
علي علي ... تفاصيل أكثر
علي حسن الفواز ... تفاصيل أكثر
حــمــزة مــصــطــفــى ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
غرام الربيعي ... تفاصيل أكثر
علي علي ... تفاصيل أكثر
د. حسين القاصد ... تفاصيل أكثر
نشوان محمد حسين ... تفاصيل أكثر