من قصائد الشاعر الراحل: الليلة اموت

عدد القراءات : 8983
حجم الخط: Decrease font Enlarge font
من قصائد الشاعر الراحل: الليلة اموت

الليلة اموت 

الليلة اخر ليلة

الغيم مد ايده اعله راسي

والمطر شد حيله

الليلة كَطرات العمر

ناكَوط حب سهران

يمه ادخيلج..

اترجاج 

ضميني بسواد الشيلة

الليلة ليلة

هد عليه الليل بخيول الظلام

منين اجيبن حيل ويرد خيله

حيرتني اضنوني موتي

اوف نعشي اشلون اوصله الباب اهلنه

ومن يكَابلني عيله ونشيله

الليله اموت

الليله كَلبي ينام دافي

وتندفن وياه حرارة جيله

الدم ينبع من سراديب الضلوع

ويرسم جروحي على الفانيله

وطير من بين الضلوع يطير

وتلحكَه السهام

وقيس يخسر ليله

وكَمر سكران اعله ميز اقمار 

ضيع ليله

تفيض روجات الحسافة 

وتكسر الشط

يا سنيني الراحيات..وداعة الله

انطيني بوسة...موادع الخل الخليله

يا نخل يا عاكَر احبل

ضوكَ طعم الفاجعة بموتة فسيله

ويصيح:

يا هور الحزن..

لا تغفه يا هور الحزن 

تابوت اجاك اويه الكَصب

بهداي حطه عالجرف

ومحمداوي امن الكَلب غنيله

يا مطر 

ياسيل..ودني اعله نهران الحبيب

بلجي اصادف صورته 

شي باقي منه

اثر جدمه عالرمل

واشكيله

ونزع اعيوني براحته

وهي العيون امعلمه 

اشتبجيله

جن ربابة كاولي اتزتني بعتابه

وتركَص الغربان

عالجثه الثكَيله

يا طيور الليل 

وديني اعله ناسي

اليموت..

يشوف..يسمع..يلتفت.

ينكسر كَلبه ويعرف اليبجيله

تمنى 

وعادة الموات يتمنى ويجيله

انا اتمنى 

الشته..وحضن الحبيب

وسيف جاتلني كَبل هالليلة

لا توجد تعليقات

أضف تعليقك

من فضلك أدخل الكود الذي تراه في الصورة:

Captcha

كتاب الحقيقة

علي علي ... تفاصيل أكثر
حسين فوزي ... تفاصيل أكثر
د . قيس العزاوي ... تفاصيل أكثر
عدنان الفضلي ... تفاصيل أكثر
طارق الحارس ... تفاصيل أكثر
علي علي ... تفاصيل أكثر
نزار حيدر ... تفاصيل أكثر
محمد شريف أبو ميسم ... تفاصيل أكثر
علي علي ... تفاصيل أكثر
علي حسن الفواز ... تفاصيل أكثر
حــمــزة مــصــطــفــى ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
غرام الربيعي ... تفاصيل أكثر
علي علي ... تفاصيل أكثر
د. حسين القاصد ... تفاصيل أكثر
نشوان محمد حسين ... تفاصيل أكثر
عدنان الفضلي ... تفاصيل أكثر
علي علي ... تفاصيل أكثر
علي حسن الفواز ... تفاصيل أكثر